¡Benvid@s!

Inauguramos a nova WEB.

A FEDERACIÓN GALEGA DE DEPORTE AUTÓCTONO creouse para todas as persoas que practican algún xogo tradicional autóctono galego e pretenden que ese xogo sexa deporte.

Principalmente esta entidade quere fomentar os deportes autóctonos na nosa comunidade. Neste intre xa forman parte desta Federación a Chave e a Billarda; é por iso que nos comprometemos traer de novo a ilusión á xente co noso esforzo e traballo, tratando de incorporar outras modalidades deportivas, xogos ou deportes recoñecidos.

Esta é a nosa casa deportiva, e o noso obxectivo é que tamén sexa a de todas as persoas que asomen pola porta. Nela estamos centos de entusiastas afeccionados e afeccionadas de todas as idades, condición, profesión, actividade e localización xeográfica, desfrutando coas moitas metas conseguidas ata o momento e con moitísima ilusión por medrar no eido persoal, no social e por suposto no deportivo, neste mundo do deporte autóctono, polo xeral minoritario, pero que entre todos pretendemos facer que medre ano a ano.

Sucesivamente incorporaremos nesta web todo aquilo que posúa interese común relativo ás distintas áreas que compoñen estas modalidades. Tendes enlaces directos picando nos logos de CHAVE e BILLARDA para conseguir información específica de cada deporte.

Estamos abertos e dámoslle a benvida a todas as ideas que nos axuden a mellorar nestes propósitos. A ilusión e o traballo é e será a nosa filosofía.

Un saúdo

                                      ALFREDO BLANCO RODRIGUEZ

                        (Presidente da Federación Galega de Deporte Autóctono)